தேர்தல் வாக்குறுதிகளை 1 1/2 ஆண்டில் நிறைவேற்றுவேன்: ஜெயலலிதா

தமிழக சட்டமன்ற தேர்தலில் அ.தி.மு.க. தனித்து ஆட்சி அமைக்கும் அளவுக்கு மகத்தான வெற்றி பெற்றது. இன்று மாலை அ.தி.மு.க.பொதுச்செயலாளர் ஜெயலலிதா போயஸ் கார்டனில் உள்ள அவரது இல்லத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

முதலில் தமிழக மக்களுக்கும், வாக்களித்த பெருமக்களுக்கும் எனது நெஞ்சார்ந்த் நன்றியை தெரிவித்துக் கொள்கிறேன். இது எங்களுக்கு கிடைத்தவெற்றி அல்ல. தமிழக மக்களுக்கு கிடைத்த வெற்றி. ஜனநாயகத்திற்கு கிடைத்த வெற்றி.

ஆட்சி பொறுப்பேற்றதும் சட்டம் ஒழுங்கை பராமரிப்பதில் கவனம் செலுத்துவேன். அ.தி.மு.க. தேர்தல் அறிக்கையில் அளிக்கப்பட்ட அத்தனை வாக்குறுதிகளையும் 1 1/2 வருடத்திற்குள் நிறைவேற்றுவேன் என்று ஜெயலலிதா கூறினார்.